“Tom Soyerning
sarguzashtlari”
Mark Tven
Bu asar bir
bolaning yoshligida kechirganlari haqida. Bu bolaning ismi Tom edi. U juda sho’x,
o’yinqaroq va aldoqchi edi. U doim xolasining savol-javobidan qutulib qolardi,
qachonki ukasi bunga aralashmasa. Chunki uning ukasi doimo uning yolg’onlarini
fosh qilardi. Aytganday, Tomning Polli xolasi va Sid ismli ukasi bor edi. Misol
uchun, Bir kuni Tom maktabga borish o’rniga daryoda maza qilib cho’miladi va
uyga kech keladi. Kechki ovqat paytida Sid uni yana bir marta fosh qiladi. Sid
uni uning ko’ylagi yoqasidagi ip bilan fosh qiladi. Chunki Polli xola uning ko’ylagini
yoqasini oq ip bilan tikkan edi, lekin kechki payt uning ko’ylagining yoqasi ko’k
rangdagi ipda tikilgan edi. Shunda tom o’ylaydi, “Agar Sid bo’lmaganda Polli
xolam buni sezmasdi”. Shunday qilib, Tom shunday voqealarni boshidan kechiradi.
Bir kuni u bir ko’chadan o’ta turib, bir qizni ko’rib, yaxshi ko’rib qoladi. Bu
qiz shahar sudi boshlig’ining qizi Bekki edi. Bu qiz Tomning maktabida o’qiy
boshlagandan keyin Tom uni lol qoldirishga harakat qilaverar edi. U har xil g’alati
qiliq qilsa-da, Bekki unga qaramasdi. Lekin u buning ham yo’lini topadi. U bir
chiroyli rasm chizib unga ko’rsatadi va Bekki buni yaxshi ko’rib qoladi. Sekin
undan rasm chizishni o’rgatishni so’raydi. Tom hech o’ylamasdan rozi bo’ladi va
unga o’rgatadi. Bir kuni u xolasining nasihatlaridan charchab, qaroqchi bo’lishga
ahd qiladi. U o’zi bilan ikki do’stini olib ketadi. Ular shahar yonidagi bir
orolga borib, o’zlariga makon qilib olishadi. Lekin bir ikki kun o’tmay o’z
uylarini sog’inishadi. Bir kuni ular to’p ovozini eshitib qolishadi. Bu qirg’oqda
otilgan o’q edi. Odamlar bu bolalarning jasadini yoki o’zlarini topa olmasdan,
ularni o’ldi deb o’ylashadi. So’ngra yakshanba kungi ibodat vaqtida ularni dafn
etmoqchi edilar. Lekin o’sha paytda ularning o’zi kelib qolishadi...
Xullas, bu Tom
degan bola shunday voqealarni boshidan kechiradi. Bu asar, mening o’ylashimcha,
Mark Tvenning bolalik haqidagi eng zo’r asaridir.
Comments