ZAKOVAT - 45

1. Японияда озишни мақсад қилган кишилар учун таклиф қилинган ихтиро ўзида оддий ликопнинг ярмини ва яна бир детални бирлаштирган. Савол: ўша деталнинг номини айтинг.

2. Айрим тилшуносларнинг тахминича, рус тилидан ўзбек тилига ҳам ўзлашган ушбу сўз немисча “кольблатт” сўзидан олинган бўлиб, “карам япроғи” маъносини англатади. Савол: ўзбекчага русчадан ўзлашган ушбу сўзни топинг.

3. Америкадаги қайси муассаса 2013 йили 18 минг АҚШ доллари эвазига 10 ҳафта узлуксиз кроватда ётиш учун яхши жисмоний тайёргарликка эга бўлган кишиларни излаб эълон берган?

4. Боксчиларнинг ўзаро гап-сўзларига қараганда, у ўзининг машҳур соч турмагини шохчалари кўринмаслиги учун ўйлаб топган экан. Савол: спортдаги қайси машҳур шахс назарда тутилмоқда?

5. “Тор” фильмини суратга олишга тайёргарлик жараёнида Локининг ҳаракатлари ўзида “шамол сингари чапдастлик”ни акс эттириши кераклиги ҳақидаги қарорга келинади. Бунга эришиш учун Том Хидлстоунга аккомпанемент беримбау мусиқаси остида Х ни ўрганишига тўғри келади. Савол: актёрдан нимани ўрганиш талаб қилинган?

6. С++ дастурлаш тили асосчиси Бьярне Страуструп шундай деган: “Агар сиз С++ ни мураккаб деб ҳисобласангиз, УНИ бажаришга уриниб кўринг”. Сайтлардан бири УНИ худди инглиз разведкаси ходимлари учун қўлланадиган янгича методлар асосида бажаришни таклиф қилмоқда. Савол: УНИ БАЖАРИШ деганда нима назарда тутилмоқда?

7. Твиттер фойдаланувчисининг ҳазилидан парча: “Онамга бугун ИККИТА ПАРАМ борлигини айтдим. АНШЛАГ ҳақида эса оғиз очмадим”. Савол: Бу ўринда қайси сўз АНШЛАГ сўзи билан алмаштирилган?

8. Британиялик олимлар томонидан ўтказилган тадқиқотларнинг кўрсатишича, охирги беш йилда аёлларда ўртача Х бир бирликка ўсган, бу эса рационда меъёрдан ошиқ алкогол ва юқори калорияли овқатларнинг кўплиги сабабли экан. Америкаликларнинг ҳисоб-китобларига кўра Озодлик ҳайкалида Х 879 га тенг экан. Х ни топинг.

9. Oлимларнинг 2012 йилда аниқлашларича Х лар целлюлозанинг секинлик билан кислотланаши жараёнида хромофорларнинг шаклланиши натижасида У га айланади. Чикаго телефон компанияси билан ҳамкорлик қилган америкалик Рейбен Гамильтон Доннелли УХ соҳасида пешво, яъни биринчилардан саналади. Савол: УХ ни топинг.

10. Режиссёр Тео Ван Рог аёлларни таҳқирлаш ҳақидаги “Submission” филми учун Муҳаммад Буйери исмли радикал томонидан ўлдирилади. Талқинга кўра, фильм айнан шундай номланганлиги, яъни дунёга машҳур бир сўзнинг бевосита таржимаси бўлиб чиққанлиги туфайли бундай воқеа содир бўлган. Савол: ўша дунёга машҳур сўзни оригинал тарзда айтинг.

11.       Ферми номидаги Миллий физика лабораториясининг илмий-оммабоп экспозициясида катта шиша банка ичида қора рангдаги сўриладиган конфетлар тахминан 5% рангли конфетлар солиб қўйилган. Банкадаги қора конфетлар улардан БИРИНЧИСИ ва ИККИНЧИСИни ифодалайди. Савол: БИРИНЧИ ва ИККИНЧИни топинг.

12.       Америкалик аскар Жоэл Стаблески – айфон. Красноярсклик тадбиркор – тилла занжир. Калгари шаҳрилик хиёнаткор аёл Эйлин Ликнесс – силикон кўкрак. Кенг тарқалган талқинга асосланадиган бўлсак, айни принцип бўйича 1812 йилда туғилган бир шахс ва унга қўшиб тугмани ҳам санаб ўтиш мумкин. Савол: ўша кишининг исми ёки фамилиясини айтинг.

13.       Буюмларни мустақил ясашни ўргатувчи сайтлардан бири Х ни ясаш учун рангли маркерлардан фойдаланишни таклиф қилади. Бунда Х нинг ярми – қизил, қолган ярми – кўк-яшил рангда бўлади. Савол: Х ни топинг.

14.       Лондондаги ёзги олимпиадада Рубена номли чех фирмасининг маҳсулотлари велопойга мусобақаларида қўлланилади. Сочидаги қишки олимпиадада ушбу фирманинг маҳсулотларидан қайси спорт турида фойдаланилган бўлиши мумкин?

15.       ХХ асрнинг биринчи ярмида Монреал шаҳри иқтисодиётининг 40% ини шаҳарга келувчи ичкилик, қимор ва енгилтак аёлларга ўч меҳмонларга хизмат кўрсатиш ташкил қилган. Шу сабабдан Монреал шаҳри 2005 йилда экранларга чиққан бир фильмнинг номини эслатувчи лақаб берилган. Савол: Монреал шаҳрига қандай лақаб берилган?

16.       “Лингвистик гиперихтисослашув” атамасини шарҳлаш асносида Нил Стивенсон асари персонажи араблар ва қумни, шунингдек, Х ва У ни эсга олади. Савол: Х ва У ни топинг.

17.       Карикатуралардан бирининг персонажи Х дан кейин электрон почтасини текширади ва спамларнинг кўплигидан шикоят қилади. Х билан боғлиқ иборанинг келиб чиқиши организмда терининг янгиланишига бориб тақалади. Савол: Х ни топинг.

18.       Келли Гнейтинг марафонча югуришдаги иштирокидан сўнг Гиннеснинг рекордлар китобига кирган. Савол: Келли қайси спорт тури бўйича Америка терма жамоаси аъзоси саналади?

19.       Германия Христиан-демократик иттифоқи байроғи ранги – қора рангда, Германия Эркин демократик партияси байроғи – сариқ рангда. Ушбу икки партия “Яшиллар” партияси билан коалицияга бирлашишини англатувчи атама қайси топонимга тааллуқли саналади?

20.       “Аванта+” энциклопедияси уларни кимёвий аристократия деб атаган. Уларнинг саккиз рақамига алоқаси бор. Савол: уларнинг номини иккита сўзда ифодаланг.

21.       Мазкур ихтиро эгасининг эслашича, ҳафтасига бир марта оиласи билан охирги бўлиб кимнинг томоғи бўғилиб қолиши бўйича беллашар экан. Савол: У нимани ихтиро қилган?

22.       Массачусетс технологиялар институти олимлари туйнуклари бор катта қайиққа йигирматадан зиёд турбореактив двигателларни ўрнатиб, кузатув натижаларига кўра, океаннинг муайян қисмига йўналтиришни таклиф қилдилар. Савол: айнан нима мақсадда?

23.       2010 йили Милангача бўлган йўл “Барселона”ни ҳолдан тойдиради ва “Интер” Чемпионлар лигаси ярим финалида уларни қийинчиликсиз мағлубиятга учратади. Антон Лисиннинг ёзишича, финал йўлида Барселонани Интер эмас, айнан Х тўхтатиб қолган. Савол: Х ни топинг.

24.       Маълумки, “Покахонтас” мультфильми Уольт Дисней компанияси учун реал тарихий воқеага асосланган илк асарга айланган. Шу сабабдан фильмда Х етишмайди. Савол: Инглизчадан олинган жумладан фойдаланиб, бу мультфильмда нима етишмаслигини топинг.

25.       Машҳур совет планерларидан саналган ГР-11 планери номидаги рақам нимани билдиради?

26.       Шон Коннери икки марта Агент 007 образида бошқа роль ўйнамасликка ваъда бериб, икки марта ваъдасини бузган. Савол: Шон Коннери ўйнаган Жеймс Бонд ҳақидаги сўнгги фильмнинг номини айтинг.

27.       Истеҳзога ўч Эмил Кроткий бир киши ҳақида унинг юзи муайян турдаги чиқишлар учун жуда мос келиши ҳақида гапиради. Савол: Айнан қаерда чиқиш қилиш учун?

1.     Нацистлар Германиясида ҳатто УЛАРГА ҳам мафкуравий тус берилганлигини кўриш мумкин – масалан, УЛАРДАН айримлари немис деҳқонлари француз ёки поляк деҳқонларидан кўпроқ ғалла етиштиришларига ишонишга имкон берган. Савол: УЛАР деганда мактаб дастури билан боғлиқ қандай элемент назарда тутилмоқда?

2.     Шарқий Европада УНИНГ донғи шу қадар кенг тарқалган эдики, ҳаттоки Венгрияда, миш-мишларга кўра, УНИ озод қилиш учун пул ҳам йиғишган экан. Албания маориф вазири эса УНИНГ тақдири ҳақида барчадан аввал билиш мақсадида ўз хизмат ваколатидан фойдаланишгача бориб етган эмиш. Савол: Гап ким ҳақида кетмоқда?

3.     Тана Френч романи қаҳрамони саналмиш детектив гумонланувчиларнинг ўз айбларига иқрор бўлишларига эришади. Унинг ҳамкасби эса, гумонланувчилар ўта иноқ дўст бўлганликлари сабабли улардан бирортасининг иқрорига ишонмасликни маслаат беради. Айни шу саҳнада Помпей шаҳридаги фрескаларда қиёфаси тасвирланган бир тарихий шахснинг исми тилга олинади. Худди шунга ўхшаш саҳна “Зорро афсонаси” фильмида ҳам мавжуд. Фақат фильмда тарихий шахснинг исми тилга олинмаган. Савол: Бир дақиқадан сўнг Помпей шаҳридаги фрескаларда қиёфаси тасвирланган тарихий шахснинг исмини айтинг.

4.     Муҳим давлат лавозимидаги Оока Очидзен кунларнинг бирида бир масалага арқон тортишиш мусобақасига ўхшаш ечимни таклиф қилади. Савол: Нисбатан машҳурроқ ҳикояда Оока сингари арқон тортишга ўхшаш йўл билан муаммога ечим излаб кўрган ҳам тарихий, ҳам афсонавий шахснинг исмини айтинг.

5.     1848 йилда балет концертларидан бирига ўша даврнинг энг машҳур тўрт нафар балериналари – Люсиль Гран, Карлотта Гризи, Фанни Черрито, Мария Тальони таклиф этилади. Уларнинг ҳар бири ким биринчи бўлиб, ким эса охирги бўлиб саҳнага чиқишини муҳокама қилиб баҳслашиб қолишади. Баҳсни тўхтатиш учун эса балетмейстер навбат беришда УНИ инобатга олишни таклиф қилади. Шу билан баҳс якунига етади. Савол: Зукко балетмейстер НИМАНИ инобатга олишни таклиф қилади?

6.     Компьютер дастурининг ҳисоб-китобларига кўра “Юлдузлар жанги” фильмида галактикадаги энг кенг тарқалган ирқ сифатида Х эътироф этилади. Қадимги мисрликларда овчилик худоси Онуриснинг боши Х ники каби гавдалантирилган. Савол: Х ни топинг.

7.     Рокки Бальбоа ҳақидаги илк фильмда 1976 йилги бокс бўйича мусобақа ўтказилган сюжет мавжуд. Раундлар оралиғида рингга чиқадиган қиз УНИНГ қиёфасида намоён бўлади. Савол: Кимнинг ёки ниманинг қиёфасида?

8.     “Глазго Рейнджерс” клубига ўтган Дженнаро Гаттузо кийим алмаштириш хонасидаги портрет кимнинг бувисиники эканлигини жамоадошларидан сўраганида роса кулгига қолганлиги ҳақида ҳалигача гап-сўзлар юради. Савол: Шотланд клуби кийим алмаштириш хонасида Гаттузо кимнинг портретини кўрган?

9.     Европа уйғониш (Ренессанс) даври гуманизми антик маданиятга қизиқишнинг қайта жонланиши билан характерланади. Клайв Льюиснинг сўзларига кўра, гуманистлар Х ни тирилтириш ва уни ўзига хос У га айлантиришга умид қилганлар. Савол: Х ва У ни топинг.

10. Жорж Оруэлнинг ёзишича, совуқ об-ҳаво шароитида Буюк Британияда қалин капиталистик Х лар ҳатто коммунистлар орасида ҳам харидоргир бўлиб кетармиш. Савол: Х – агар кийим бўлмаса, у ҳолда нима бўлиши мумкин?

11. 2014 йилда намойиш этилган комедия жанридаги фильмлардан бирида муайян сабабга кўра вампирлар бир-бирларининг суратларини чизадилар. Бунга уларнинг айнан вампир эканликлари сабаб бўлади. Савол: Нима учун улар бир-бирларининг суратларини чизадилар?

12. Эрнест Сетон-Томпсон қиссаларидан бирининг қаҳрамонлари ковбойлар куркапанжа Том ва тақа Билл ўз лақабларини ўзларининг шахсий Х лари шарофати билан орттиришганлиги айтилади. Савол: Бу ўринда Х – нимани англатади?

13. 1952 йили март ойида канадаликлар иккига бўлинган ҳолда Имджинган дарёсида Х ўтказганлар. Савол: Х – ўрнига иккита сўз қўйинг.

14. 2019 йил январьда Иллинойс штати полицияси ҳазил тариқасида об-ҳавонинг илиқлашувини бир машҳур аслзода хонимни қўлга олганликлари билан изоҳлайдилар. Савол: Машҳур мультфильм қаҳрамони бўлмиш ўша аслзода хонимнинг исмини топинг.

15. Венадаги банкоматлардан бирининг дизайни Х га ўхшатиб ишланган. Савол: Х – бу нима?

16. Немис фирмаси пластик чиқиндилардан Х ишлаб чиқариш технологиясини ишлаб чиқди. Х – бир таниқли немиснинг фамилияси ҳам ҳисобланади. Савол: Ўша немиснинг кимлигини топинг.

17. Анри Жервенинг 19-асрда яратилган “Баллдан қайтиш” тасвирий санъат асарида зиёфатдан уйга қайтган жуфтлик ўртасидаги оилавий можаро ифодаланган. Суратни таҳлил қилган ҳолда бека тез орада эридан айрилиши мумкинлигини тахмин қилиш қийин эмас, чунки эрида УЛАРДАН фақатгина биттаси қолгани яққол кўриниб турибди. Савол: УЛАР деганда нима назарда тутилмоқда?

18. 2010 йилда 18 асрда чўкиб кетган кеманинг сув остидаги қолдиқлари орасидан экспертлар томонидан бир ярим миллион евродан ошиқроққа баҳоланган қимматбаҳо юк топилади. Қоғозлар сув остида сақланмаган бўлса-да, УЛАРДА акс этган суратларга таянган ҳолда юкнинг маркасини аниқлаш мумкин эди. Айримларнинг фикрича, баъзида УЛАРНИНГ тезлиги соатига 40 км гача етиши мумкин экан. Савол: Бу ўринда УЛАР деганда нималар назарда тутилмоқда?